皆大欢喜第405集剧情

翌日中午众人弹阿山与阿岚犯咗十大错处，二人一头雾水，阿康将拍下嘅DV畀佢哋睇，只见二人毫无默契，唔似系同居密友。众迫二人着上情侣T恤，二人无奈。阿山与阿岚返家，互相买咗零食畀对方，可惜都冇对方胃口。二人一齐入嘢食，鸡手鸭脚，最后都系食得，惟有食罐头豆豉鲮鱼。阿山从未食过豆豉鲮鱼，大赞好味。二人互相检视伤势，即你帮我贴胶布，我帮你搽电火膏，阿岚更透露细个嗰阵畀车撞到，险变跛脚妹，好彩吴修出钱出力救返佢只脚。系夜，雷声轰隆响起，阿山谂起阿岚讲过，最怕得雷闪电，慌忙到佢嘅房，原来阿岚惊到匿喺床下底。阿山喺间客厅利用毛毡做成帐幕，阻隔雷声，又唔停唱歌安抚阿岚，阿岚见佢一面稚气，心中不禁泛起涟漪。念慈向刘锦追讨家用，刘锦赖皮话冇，众无奈。阿山与阿岚见状令计畀佢喺鞋底内拎出三千蚊，众大赞二人系最佳情侣组合，刘锦气结。阿岚为阿山拣西装同配衬恤衫、领呔，效果更显出佢玉树临风。跟住二人去抽奖，好攞个「牙」嘢玩，二人相视大笑。阿山独自返家时遇到Alex，Alex专登搞秽衫，硬系要上佢同阿岚屋企。Alex借啲意做检视二人嘅物件，发现破绽多多，二人心有不妙之际，突然间雷声大作，阿岚唔停尖叫，阿山即时拎出毛毡安慰，Alex见到阿山真情流露，相信二人冇呃佢。